Related Articles
ਬਾਸਮਤੀ 1509 ਨੇ ਇਸ ਵਾਰ ਕਿਸਾਨਾਂ ਨੂੰ ਖੁਸ਼ ਕਰ ਦਿੱਤਾ ਹੈ । 1509 ਦਾ ਭਾਅ 3200 ਰੁਪਏ ਤੱਕ ਹੋ ਗਿਆ ਹੈ ।ਅਤੇ ਇਸ ਵਿੱਚ ਹੋਰ ਵੀ ਤੇਜੀ ਆਉਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ । ਉਥੇ ਹੀ ਬਾਜ਼ਾਰ ਵਿੱਚ ਆਉਣ ਵਾਲੀ 1121 ਵੈਰਾਇਟੀ ਦਾ ਵੀ ਵਧੀਆ ਮੁੱਲ ਮਿਲਣ ਦੀ ਚੰਗੀ ਸੰਭਾਵਨਾ ਇਸ ਵਾਰ ਨਜ਼ਰ ਆ ਰਹੀ ਹੈ ।
ਕਿਸਾਨਾਂ ਵੱਲੋਂ ਹਰ ਵਾਰ ਦੀ ਤਰ੍ਹਾਂ ਇਸ ਵਾਰ ਵੀ ਭਾਰੀ ਉਮੀਦ ਨਾਲ ਲਗਾਈ ਗਈ ਸੀ । ਪਰ ਕਈ ਸਾਲਾਂ ਤੋਂ ਬਾਅਦ ਇਸ ਵਾਰ ਬਾਸਮਤੀ 1121 ਦੀ ਕਿਸਮ ਕਿਸਾਨਾਂ ਦੀਆਂ ਉਮੀਦਾਂ ‘ਤੇ ਖਰੀ ਉਤਰਦੀ ਪ੍ਰਤੀਤ ਹੋ ਰਹੀ ਹੈ ਤੇ ਵਿਦੇਸ਼ ਵਿੱਚ ਬਾਸਮਤੀ 1121 ਚਾਵਲ ਦੀ ਮੰਗ ਵਧਣ ਕਾਰਨ ਇਸ ਦੇ ਭਾਅ ਵਿੱਚ ਹੋ ਰਿਹਾ ਵਾਧਾ ਕਿਸਾਨਾਂ ਦੀ ਇਸ ਦੀਵਾਲੀ ਨੂੰ ਬੰਪਰ ਦੀਵਾਲੀ ਬਣਾ ਸਕਦਾ ਹੈ।
3400 ਤੋਂ ਸ਼ੁਰੂ ਹੋ ਸੱਕਦੇ ਹਨ ਭਾਅ
ਬਾਸਮਤੀ ਚਾਵਲ ਦੇ ਘਰੇਲੂ ਅਤੇ ਅੰਤਰਰਾਸ਼ਟਰੀ ਬਾਜ਼ਾਰ ਉੱਤੇ ਤਿੱਖੀ ਨਜ਼ਰ ਰੱਖਣ ਵਾਲੇ ਅਮ੍ਰਿਤਸਰ ਦੇ ਚਾਵਲ ਮਾਹਰ ਨੀਰਜ ਸ਼ਰਮਾ ਦਾ ਕਹਿਣਾ ਹੈ ਕਿ ਇਸ ਵਾਰ ਬਾਸਮਤੀ ਦੀ ਤੇਜੀ ਆਉਣ ਦੀ ਪੂਰੀ ਸੰਭਾਵਨਾ ਹੈ । ਨੀਰਜ ਦਾ ਕਹਿਣਾ ਹੈ ਕਿ ਇਸ ਵਾਰ ਬਾਸਮਤੀ 1121 ਦੀ ਨਵੀਂ ਫਸਲ ਦੀ ਸ਼ੁਰੂਆਤ 3400 ਰੁਪਏ ਕੁਇੰਟਲ ਤੋਂ ਹੋ ਕੇ 4500 ਤੱਕ ਪਹੁੰਚ ਸਕਦੀ ਹੋ ਸਕਦੀ ਹੈ । ਅਜਿਹਾ ਇਸ ਲਈ ਹੈ ਕਿਓਂਕਿ ਇਸ ਵਾਰ 1121 ਦਾ ਪੁਰਾਣਾ ਸਟਾਕ ਨਹੀਂ ਹੈ । ਦੂਜਾ , 1121 ਝੋਨਾ ਦੀ ਬਿਜਾਈ ਬਹੁਤ ਘੱਟ ਹੋਈ ਹੈ । ਇਸ ਲਈ ਮੰਗ ਜ਼ਿਆਦਾ ਹੋਵੇਗੀ ਅਤੇ ਪੂਰਤੀ ਘੱਟ । ਇਹ ਹਾਲਤ ਭਾਅ ਨੂੰ ਹੋਰ ਵਧਾਉਣਗੇ । ਫਿਲਹਾਲ ਪੁਰਾਨਾ 1121 ਝੋਨਾ 3200 ਰੁਪਏ ਤੱਕ ਵਿਕ ਰਿਹਾ ਹੈ ।
ਨੀਰਜ ਸ਼ਰਮਾ ਨੇ ਦੱਸਿਆ ਕਿ ਜੇਕਰ 1509 ਦੇ ਮੁੱਲ ਜੇਕਰ ਹੁਣ ਦੀ ਤਰਾਂ ਵੱਧਦੇ ਹਨ ਤਾਂ ਇਸਦਾ ਅਸਰ ਵੀ 1121 ਦੇ ਭਾਵ ਉੱਤੇ ਪਵੇਗਾ । ਜੇਕਰ 1509 ਦੀ ਤੇਜੀ ਬਰਕਰਾਰ ਰਹੀ ਤਾਂ 1121 ਦੇ ਰੇਟ ਨੂੰ ਵੀ ਖੰਭ ਲੱਗ ਸੱਕਦੇ ਹਨ । ਹੁਣ 1509 ਬਾਸਮਤੀ 3200 ਰੁਪਏ ਤੱਕ ਪਹੁਂਚ ਚੁੱਕਿਆ ਹੈ । ਜਿਸਨੂੰ ਪਹਿਲਾਂ ਕੋਈ ਪੁੱਛਦਾ ਨਹੀਂ ਹੁੰਦਾ ਸੀ ।
ਅੱਠ ਫੀਸਦੀ ਘੱਟ ਬਿਜਾਈ
ਭਾਰਤ ਸਰਕਾਰ ਦੀ ਰਿਪੋਰਟ ਦੇ ਮੁਤਾਬਕ ਇਸ ਸਾਲ ਬਾਸਮਤੀ ਝੋਨੇ ਦੀ ਬਿਜਾਈ ਪਿਛਲੇ ਸਾਲ ਦੀ ਤੁਲਣਾ ਵਿੱਚ ਕਰੀਬ 8 ਫੀਸਦੀ ਘੱਟ ਹੋਈ ਹੈ ,ਸਾਲ 2016 ਵਿੱਚ ਬਸਮਾਤੀ ਉਤਪਾਦਕ ਪ੍ਰਮੁੱਖ ਰਾਜਾਂ ਜਿਵੇਂ ਪੰਜਾਬ ,ਹਰਿਆਣਾ,ਉੱਤਰਪਰਦੇਸ਼ ਆਦਿ ਵਿੱਚ ਬਾਸਮਤੀ ਦਾ ਕੁਲ ਰਕਬਾ 16 .89 ਲੱਖ ਹੇਕਟੇਇਰ ਸੀ ਜੋ ਇਸ ਸਾਲ ਯਾਨੀ 2017 ਵਿੱਚ ਘੱਟਕੇ 15. 55 ਲੱਖ ਹੇਕਟੇਇਰ ਰਹਿ ਗਿਆ । ਇਸ ਲਈ ਸਰਕਾਰ ਨੇ ਵੀ ਮੰਨਿਆ ਹੈ ਕੇ ਇਸ ਵਾਰ ਬਾਸਮਤੀ ਦਾ ਉਤਪਾਦਨ ਘੱਟ ਹੋਵੇਗਾ ਜਦਕੇ ਮੰਗ ਜ਼ਿਆਦਾ ਹੈ ।
ਜਾਣਕਾਰੀ ਅਨੁਸਾਰ ਬਾਸਮਤੀ 1121 ਦੇ ਚਾਵਲ ਦੀ ਮੰਗ ਵਧਣ ਕਾਰਨ ਇਸ ਦੇ ਭਾਅ ਵਿੱਚ ਜਬਰਦਸਤ ਵਾਧਾ ਹੋਣ ਦੀ ਸੰਭਾਵਨਾ ਹੈ। ਜਿਸ ਦੇ ਚੱਲਦਿਆਂ ਕਿਸਾਨ ਵਰਗ ਇਸ ਦੇ ਭਾਅ ਵਿੱਚ ਵਾਧਾ ਹੋਣ ਦਾ ਇੰਤਜਾਰ ਕਰ ਰਹੇ ਹਨ।
ਇਸ ਸੰਬੰਧੀ ਇਲਾਕੇ ਦੇ ਕੁਝ ਕਿਸਾਨਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਬਾਸਮਤੀ 1121 ਤੋਂ ਭਾਰੀ ਉਮੀਦਾਂ ਹਨ ਤੇ ਉਹ ਇਸ ਦੇ ਭਾਅ ਵਿੱਚ ਹੋਰ ਵਾਧਾ ਹੋਣ ਦਾ ਇੰਤਜਾਰ ਕਰ ਰਹੇ ਹਨ। ਇਸ ਲਈ ਉਨ੍ਹਾਂ ਵੱਲੋਂ ਇਸ ਫ਼ਸਲ ਨੂੰ ਸਟੋਰ ਕਰਕੇ ਰੱਖਿਆ ਜਾ ਰਿਹਾ ਹੈ ਤਾਂ ਜੋ ਇਸ ਦੀ ਕੀਮਤ ਵਿੱਚ ਵਾਧਾ ਹੋਣ ‘ਤੇ ਇਸ ਨੂੰ ਮਹਿੰਗੇ ਮੁੱਲ ‘ਤੇ ਵੇਚਿਆ ਜਾ ਸਕੇ।
